DzActiviste.info Publié le sam 28 Avr 2012

عين المكان / مشاركات الأعضاء / والله ما نفوطي 10 ماي نخرج بسلمية ندي حقي

Partager

واش ايصير الا فوطيت ؟

هوما يبنيوا ويتعلاوا و احنا نرقدو بالدالة

يخرجو بالبوابر و الزوالي يحرق في بوطي

شبعو من الكافيار و الزوالي كسكروطي

ايكملونا البترول والشعبي يقعد مذلول

اعلاش ما نفوطيش ؟

الخليفة هرب…شكيب إحتال و نصب….و الشعب بالعصا مازال ينضرب

الحكومة راحت و جات و الحالة هي هي…عييتونا بالشعارات و الشعب هو الضحية

أولاد الحكام تاكل الغزال والحوت و ولاذ الشعب مشتاق القوت

كرهت الميزيريا والتهميش حاب نعيش

الشعبي راهو مغبون ..سرقوا قع البترول.. 12 الف البطاطا

فالمارشي راهو يدور.. يزيدوا فيها بالشوية

كافي ولّى بوليسي.. شبرق يرفد البية

يخاف من التيروريست.. ويحقر في الزوالية

نركب البيس ب 15 دج

ناكل سوندويتش و ما نشبعش ب 15ميل

لانو نحب نتزوج غرام ذهب ب 700 الف

لانو كاين لي ما لقاش الخبز و كاين لي مانفيستي 3 ملاير سيارات تاوعو برك

لاني ديفوا يلحق الغداء ما عنديش باش ناكل و كاين لي يدي مدامة يفطرها في الهيلتون ب زوج ملاين

لان الزطلة ب سانك و الزيت ب 60 الف

الكارطة تاع الفوط معنديش

لان حق البتورل ما ديتوش

لان وزير الشباب في عمرو 66 سنة؟

لان الخليفة هرب ب 33 مليار اورو ما حكموهش و الزوالي فسخ فيميجان في صطاد جاب عام في لومباز

لاني مواطن كل يوم و ليس كل خمس سنوات

لان لي راح يقعد في البرلمان يدي 35 مليون في الشهر و انا نقعد تخلص 18مية

لاخطرش فقنالكم

كيفاش ندي حقي ؟

راية بيضاء وعلام في الملعب والميدان نقول ارحل يا نظام ..راهم ناضوا لي جان ما يحبسهم

لا رصاص لا كليمونجان ..10 ماي نتلاقاو من كل حومة نخرجو وعند مراكز الانتخابات نبداوا

الاعتصام ..حتى يرحل النظام

امضاء : زوالي فحل وكره الذل

https://www.facebook.com/dzimakan


Nombre de lectures: 1562 Views
Embed This

Commentaire



Laisser un commentaire

Laisser un commentaire

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>